講與寫

我幾鍾意同哩個細路補習。

佢讀中一，華仁仔，好奇心超強，領悟力高，每個星期見佢兩個鐘，講英文文法。佢鍾意問好多問題，係特多，我擔心有一日，我答唔到。

譬如講一個字，解釋完，大家無限延伸話題，由歷史講到宗教講到鬼講到Mr Bean講到瀉藥講到Back To The Future講到Time Machine講到叮噹變左多啦A夢講到西部牛仔講到非洲講到想講粗口，好。馬丁路德，被逐出天主教會，下，咩話？基督教D牧師可結婚？係。佢笑笑口話咁著數。我記得哩D野小學都好似知啦。講講下，講slang，講粗口，我教了他vulgar這字，粗鄙呀。嘩個鄙字差D唔識寫。他又寫下sob，叫我估，無聊。借頭借路又想我串出asshole，講講下講睇戲，講devil，咩字有近似意思，demon，satan，ghost。喂，講番哩度先啦。rich，邊個字有近似意思，starts with w，他寫下wich，喂玩野。我話加個t囉你鍾意。咩呀，唔識呀，巫婆呀witch，我想你答wealthy呀。總之，兩個鐘內，的確講左好多詞彙，不過好X攰。

這篇記錄，簡直值得紀念，不過這應該是很多香港年輕人寫blog的語調吧。