神秘的地方

剛過去了的端午節，某兩位同事被安排製作紙紮龍舟 (同事們的紙紮技術已登峰造極)，而細路都要同紙紮龍舟合照，龍舟是三座位的。話說上星期，五歲的Marcus 請了三天病假，沒有影節日相。既然他今天回來了，等他差不多吃完茶點，我拿起相機，就跟他說：「想唔想去一個神秘的地方？」他嘴角幾乎爆出幾粒麥皮，問：「Miss Chan，係咩神秘的地方？」我答：「係mi-mi，秘密呀！快D 食啦......」Gigi搶著說：「我都未去過神秘的地方......」我笑笑口：「唔係呀，你去過喇，Marcus上星期無返學，唔知嘖......」不過由於龍舟是三座位的，我也要找多兩個人陪陪Marcus合照。於是，我帶著Marcus，Gigi同Felix走進音樂室。「神秘的地方就係哩度！」我誇張地公佈，跟著快快手請三個細路埋位，拿著船杖， 一二三笑。就是這樣，他們三個滿足地跳回課室。而我都不禁會心微笑，一句神秘的地方，基本上不算驚喜，但細路，都已經很開心。