我發誓！

1. 最近疲累指數上升，日日比細路唔知激死定笑死。

2. 有個細路某日被我發現，聲稱去丟垃圾 (因為垃圾桶在課室外)，回來時見佢咬咬咬，問佢食緊咩，梗係死唔認食野，跟住吞埋，我叫佢擘大口，跟手就見佢右手食指出現幾毫米乘幾毫米的廁紙屑！竟然夠膽喪食廁紙！Oh No！我發誓，唔可以再有細路0係我面前食廁紙！ (偷食唔好比我知另計)

3. 關於宇宙大爆炸。有同事常講無聊笑話，喜歡問：你今日爆左未？何謂宇宙大爆炸？簡單而言，係細路完全無法聆聽老師指示，叫佢行佢呆，叫佢排隊佢坐，一返學去完第一轉廁所可以返班房即揹書包走，叫佢拉開書包攞書，可以攞毛巾盒以為食茶點......下刪八百個不能按指示的例子。雖然返幼稚園唔係軍訓，有時比下面都好啦。我已經好包容，求你地合作。於是我唯有同個同事講，我內爆。

4. 每日，講得最多的某兩句話：
「行啦~~~~~~~~」 (因為沿途風景永遠吸引，不能前進)
「xx組，出來排隊啦~~~~~~~~」(部份呆底人士，永遠企出個未來)